Қазақстан азаматтары Тайландқа визасыз бара алады
Қазақстан Тайландпен визасыз келісімді бекітті, деп хабарлайды Qazaq.today.
30 күн емін-еркін жүруге рұқсат беріледі. Ал егер азаматтар екінші тарап мемлекетінің аумағында 30 күннен артық болғысы келсе, олар мемлекеттің заңнамасы мен ережелеріне сәйкес талап етілетін тиісті виза алуы керек.
25 мамырдан бастап Қазақстан мен Вьетнам арасындағы визасыз режим күшіне енген еді. Қазақстандықтар Вьетнам шекарасын аттаған күннен бастап 30 күн ішінде визасыз жүре алады.
Сыртқы істер министрі Мұрат Нұртілеудің Таиландқа ресми сапары барысында Қазақстан мен Таиланд арасындағы визасыз режим туралы келісімге қол қойылған еді.
Одан ертеректе ҚР Премьер-Министрінің орынбасары – Сыртқы істер министрі Мұрат Нұртілеу Кипр Республикасы Сыртқы істер министрі Константинос Комбоспен кездесіп, екіжақты байланыстың басым бағыттарын талқылаған.
