Кореялық профессор Сон Ён Хун қазақ тілін 20 жылдан астам оқытып жүр

Хангук шет тілдер университетінің кафедра меңгерушісі Сон Ён Хун — Кореяда қазақ тілін 20 жылдан астам уақыттан бері оқытып келе жатқан ғалым. Ол Ұлы даланың үні мен рухын корей жастарына таныстырып жүр.

Бұл туралы Qazaqtoday.info сайты хабарлайды.

Профессордың пікірінше, қазақ тілін білмейінше, Ұлы даланың мәдениеті мен көшпенді халықтың болмысын терең түсіну мүмкін емес. Сондықтан ол үшін қазақ тілі – жай ғана пән емес, екі халықтың жүрегін жалғайтын рухани көпір.

Қазақстан мен Корея арасындағы достық қатынастарды нығайтуға, сондай-ақ сауда-экономикалық, ғылыми-техникалық және мәдени-гуманитарлық байланыстарды дамытуға үлес қосқан бірқатар азаматқа мемлекеттік наградалар табысталды. Солардың қатарында Сон Ён Хун да ІІ дәрежелі «Достық» орденімен марапатталды.

Президент ғалымның көпжылдық еңбегін жоғары бағалап, оның қазақ тілінің мінсіз екенін және жадының мықтылығын ерекше атап өтті.