Мария Севостьянова Парижде таеквондодан Гран-при қола жүлдесін жеңіп алды
Қазақстандық таеквондошы Мария Севостьянова Париждегі Гран-при турнирінде қола медаль жеңіп алды. Жартылай финалда ол Бразилия спортшысы Мария Клара Пачекоға 0:2 есебімен есе жіберді.
Фото: Туризм және спорт министрлігі
Парижде өткен таеквондо Гран-при турнирінде Қазақстан құрамасының спортшысы Мария Севостьянова қола медальға қол жеткізді.
Бұл туралы Qazaqtoday.info сайты хабарлайды.
ҚР Туризм және спорт министрлігі Спортты дамыту дирекциясының баспасөз қызметі хабарлағандай, Севостьянова жартылай финалға дейінгі жолда Тайбэй өкілі Вэй Чунь Линьді, венгриялық Лука Патакфалвиді және өзбекстандық Мадина Марабзолованы ұтты.
Алайда жартылай финалда ол Бразилия өкілі, қазіргі әлем чемпионы Мария Клара Пачекоға 0:2 есебімен жол беріп, турнирді қола жүлдемен тәмәмдады.
