Тоқаев Астана әуежайында Бельгия королі мен королевасын қарсы алды
Қазақстан Президенті Қасым-Жомарт Тоқаев Астана әуежайында Бельгия королі Филипп пен королева Матильданы қарсы алды. Мемлекеттік сапар 11-14 қазан аралығында өтеді.
Фото: Акорда
Астана әуежайында Қазақстан Президенті Қасым-Жомарт Тоқаев Бельгия королі Филипп пен королева Матильданы салтанатты түрде қарсы алды. Корольдік жұпты тасымалдаған ұшақ ел шекарасынан астананың әуежайына дейін Қазақстан Әскери-әуе күштерінің истребительдерімен ілесіп келді.
Бұл туралы Qazaqtoday.info сайты хабарлайды.
Әуежайдың ұшу алаңында салтанатты қарсы алу рәсімі аясында құрмет қарауылы ротасы мен президенттік оркестр сапқа тұрғызылды.
Еске салайық, 11-14 қазан аралығында Қазақстан Президенті Қасым-Жомарт Тоқаевтың шақыруымен Бельгия королі Филипп пен королева Матильда Қазақстанға мемлекеттік сапармен келеді.
Жоғары деңгейдегі келіссөздер барысында Қазақстан мен Бельгия арасындағы көп қырлы ынтымақтастықты нығайту перспективалары талқыланады.
Сондай-ақ Президент Қасым-Жомарт Тоқаевтың, Король Филипп пен Королева Матильданың «Қазақстан – Бельгия» іскерлік кеңесінің 4-ші отырысына және екі ел жоғары оқу орындары ректорларының форумына, сондай-ақ басқа да бірқатар іс-шараларға бірлесіп қатысуы көзделген.
Сапар қорытындысы бойынша Бірлескен мәлімдеме қабылданып, бірқатар екіжақты құжаттарға қол қойылады деп күтілуде.
