Елена Рыбакина Уимблдон-2026-да үшінші айналымда жеңілді
Елена Рыбакина Уимблдон-2026 үшінші айналымында бельгиялық Элизе Мертенске 7:6, 6:1 есебімен жеңілді. Қазақстандық теннисші қатарынан екінші рет осы кезеңде сүрінді.
Фото: Mustafa Yalcin/Anadolu via Getty Images
Уимблдон-2026 турнирінде Қазақстанның бірінші ракеткасы Елена Рыбакина үшінші айналымда сүрінді, деп хабарлайды Qazaqtoday.info сайты.
WTA рейтингінің вице-лидері әлемнің 27-ракеткасы, бельгиялық Элизе Мертенске есе жіберді. Қорытынды есеп – 7:6 (7:4 тай-брейкте), 6:1.
Рыбакина Уимблдонда қатарынан екінші рет үшінші айналымнан аса алмады. Ол бұл турнирді 2022 жылы жеңіп алған еді.
Қазақстандық теннисші турнирден кейін WTA рейтингінің көшбасшысы атану мүмкіндігінен айырылды. Әлемнің бірінші ракеткасы болып беларусь Арина Соболенко қалады.
