Ғалымжан Балабек Ташкентте 400 метрге еркін әдіспен жүзуде Қазақстан рекордын жаңартты
Ғалымжан Балабек Ташкентте өтіп жатқан әлем кубогының кезеңінде 400 метрге еркін әдіспен жүзуде 3:47.13 уақытпен Қазақстан рекордын жаңартып, 12-орынға тұрақтады.
Сурет: ҰОК
Ташкентте (Өзбекстан) өтіп жатқан әлем кубогының кезеңінде жүзуден Қазақстан құрамасының спортшысы Ғалымжан Балабек ел намысын қорғап жатыр.
Бұл туралы Qazaqtoday.info сайты хабарлайды.
Отандық спортшы 400 метрге еркін әдіспен жүзуде 3:47.13 уақыт нәтижесін тіркеп, 12-орынға тұрақтады. Осы көрсеткіші арқылы Ғалымжан Балабек Қазақстан рекордын жаңартты.
АҚШ өкілі Карсен Фостер алтын медаль жеңіп алды — 3:37.39. Күміс жүлде бельгиялық Лукас Пьер А. Энвоға бұйырды — 3:37.74. Ал Мэттью Колдуэлл (ОАР) үздік үштікті түйіндеді — 3:40.95.
Айта кетейік, әлем кубогының кезеңі 10 қазанға дейін жалғасады.
