Бүгін Қазақстан Президенті Қасым-Жомарт Тоқаев пен Түркия Президенті Режеп Тайып Ердоған Түркиядағы Қожа Ахмет Ясауи атындағы мектепті салтанатты түрде ашты, деп хабарлайды 24.kz-ке сілтеме жасаған Qazaqtoday.info.
Жаңа білім ордасы Қазақстан Президентінің тапсырмасына сәйкес, 2023 жылғы ақпанда Түркияда болған жойқын жер сілкінісінен зардап шеккен Нұрдағы кентінде бой көтерген.
Жобаны «Самұрық-Қазына» ҰӘАҚ» АҚ-ның қаржылай қолдауымен «KazAID» Қазақстандық халықаралық даму агенттігі жүзеге асырды. Бұл жоба Қазақстан мен Түркия арасындағы бауырластық байланыстар мен өзара қолдаудың тағы бір жарқын көрінісі болып саналады.
Фото: 24.kz/kz
