Израильдің әскери ұшақтары Дамаскінің оңтүстік-батысындағы бұрынғы Сирия армиясына тиесілі қару-жарақ қоймаларына зымырандық соққылар жасады, деп хабарлайды Qazaq.today порталы.
Al Hadath телеарнасының куәгерлерге сілтеме жасап хабарлауынша, Эль-Кисва маңында қуатты жарылыстар болған.
Зардап шеккендер мен материалдық шығындар туралы ақпарат әлі түскен жоқ.
4 қаңтарда Израиль әскері Латакия маңындағы әскери нысандарды да бомбалаған.
3 қаңтарда Алеппоның Эс-Сафира ауданындағы қорғаныс кәсіпорындары мен оқ-дәрі қоймаларына, сондай-ақ Эс-Сувейда провинциясындағы Хальхаль әскери әуежайына әуе шабуылдары жасалған.
