Ақтөбе облысында 2 жұмысшы кәріз құдығына уланып өлді

Фото: freepik.com

Ақтөбе облысында екі адам кәріз құдығын тазалаймыз деп қаза тапты. Мұғалжар ауданында болған оқыс оқиғадан уланған тағы екі жұмысшы аудандық ауруханаға жатқызылды, деп хабарлайды Qazaq.today. 

Ақтөбе облысының Денсаулық сақтау басқармасының мәліметінше, қаза тапқан екі ер адам да 1966 жылы туған. Жұмысшылар жедел жәрдем келгенше қайтыс болып кетті.

«Метан газымен уланған екі зардап шеккен адамды (1978 және 1971 жылы туған ер адамдар) 103 бригадасы Ембі аудандық ауруханасына жеткізді. Соматикалық бөлімшеге жатқызылды, дезинтоксикациялық терапия жүргізіледі. Олардың жағдайы қанағаттанарлық. Гемодинамика тұрақты», — деп атап өтті ведомствода.

Полиция істі ҚР Қылмыстық кодексінің 156-бабы, 4-бөлігі «еңбекті қорғау ережелерін бұзу» бойынша тергеп жатыр.