Назым Қызайбай «Олимпиада қозғалысының еңбек сіңірген қайраткері» атанды
Қазақстандық боксшы Назым Қызайбай «Олимпиада қозғалысының еңбек сіңірген қайраткері» I дәрежелі төсбелгісін алды. Марапат Спорт күніне орай Ұлттық олимпиадалық комитетте табысталды.
Сурет: turkystan.kz
Қазақстандық боксшы Назым Қызайбай, ІІМ Ұлттық ұланы спорт командасының мүшесі, жоғары мемлекеттік спорттық марапатқа ие болды. Салтанатты шара Қазақстан Ұлттық олимпиадалық комитетінде Спорт күніне орай өтті, деп хабарлайды Qazaqtoday.info сайты.
Іс-шара барысында спортшыға «Қазақстан Республикасының Олимпиада қозғалысының еңбек сіңірген қайраткері» I дәрежелі төсбелгісі табысталды. Бұл марапат оның көп жылғы еңбегі мен жоғары жетістіктерін, сондай-ақ отандық спортты дамытуға және Қазақстанның халықаралық аренадағы беделін арттыруға қосқан үлесін көрсетеді.
Назым Қызайбай – қазақстандық бокстың жетекші өкілдерінің бірі. Ұлттық ұлан сапында өнер көрсете отырып, ол халықаралық жарыстарда ел намысын абыроймен қорғап, жас спортшыларға үлгі болып келеді.
Сол күні Назым Қызайбаймен қатар Қазақстанның басқа да боксшылары мен жаттықтырушылар штабының өкілдері марапатталды.
