«Гүл сататынмын»: Баян Алагөзованың қызы алғашқы табысы туралы айтты

Қазақстандық продюсер Баян Алагөзованың тұңғыш қызы Айсәуле Бақытбек Telegram-арнасында алғашқы тапқан ақшасы туралы естелігін бөлісті.

Айсәуле көктем мезгілінің нышаны саналатын мамыргүл гүліне ерекше ықыласы бар екенін жазды. Оның айтуынша, оның хош иісі оған балалық шағын еске салады.

«Мен үшін мамыргүл – балалық шақтағы бақыт пен кәсіпкерлік рухтың символы іспетті. Алғашқы ақшамды ауламызда өскен сирень гүлін жинап, жұмыстан қайтып келе жатқан көршілерге сатып табатынмын. Кешке дейін жинаған табысымды құрбым Настямен бірге жақын маңдағы аты қызық «Раул» дүкеніне жүгіріп барып жұмсайтынбыз», – деп еске алды Айсәуле.

Сонымен қатар ол бала күнінде бес жапырақты гүл іздеумен әуестенгенін айтты. Мұндай гүлдер махаббат пен сәттілік әкеледі деген сенім болған.

Еске сала кетейік, бұған дейін Баян Алагөзованың қызы төртінші баласына жүкті екенін айтып анасына пранк жасаған еді. Осы жаңалықтан кейін продюсер өзін жайсыз сезінген болатын.