Трамп Путин және Зеленскиймен кездесуге дайындалып жатыр

Фото: Jonathan Ernst / Reuters

АҚШ президенті Дональд Трамп Украина, Ресей және басқа да тараптармен кездесулер мен келіссөздер жоспарланғанын мәлімдеді, деп хабарлайды  Qazaq Today ақпарат порталы inbusiness.kz — ке сілтеме жасап.

Ақ үй басшысы Ресей және Украина арасындағы жанжалды реттеу бойынша маңызды талқылаулар жүргізіліп жатқанын айтты.

«Әртүрлі тараптармен, соның ішінде Ресей және Украинамен кездесу мен келіссөз жүргізу жоспарланған», — деді АҚШ президенті.

Осыған дейін Дональд Трамп  екі ел арасындағы соғысты тоқтату үшін қолынан келгенінің бәрін жасайтынын мәлімдеген еді.

Алайда ол Украина және Ресеймен талқылаулар қандай сатыда тұрғанын нақты айтпады.