Жоғары оқу орындарына қойылатын бірыңғай талаптар өзгереді
Фото: media.kpfu.ru
Олар білім беру бағдарламаларын, оқыту технологияларын және студенттердің білімін бағалауды қамтиды. Бұл туралы вице-премьер Тамара Дүйсенова хабарлады, деп хабарлайды Qazaq Today ақпарат агенттігі.
Сондай-ақ отандық жоғары оқу орындарының бәсекеге қабілетін арттыру үшін келесі жылдың 1 сәуіріне дейін ЭЫДҰ критерийлері бойынша білім беру сапасына тәуелсіз бағалау жүргізілетін болады. ЖОО-ға лигалар бойынша рейтинг беріледі: жоғары, орта және мақсатты. Лигаға байланысты гранттар сараланады, сондай-ақ оқуға түсу үшін шекті ұпайлар қайта қаралады.
Жыл соңына дейін «Жайлы мектеп» мектептерді басқарудың жаңа моделі бекітіледі. 1 желтоқсанға дейін қаржыландыру көздерін көрсете отырып, алдағы 3 жылға 1,3 мың мектепті күрделі жөндеу жоспары әзірленетін болады.
