Енді қазақстандықтар ұялы байланыс нөмірін тіркеу үшін биометриядан өтеді

Енді қазақстандықтар ұялы байланыс қызметтерін алу үшін биометриядан өтуі тиіс. 

Азамат абонеттік нөмірді тіркеп, оператормен байланыс орнату үшін бет-жүзін сканерлейді.

Цифрлық даму министрлігі мамандарының мәлімдеуінше, бүгінде абоненттік нөмірлер арқылы адамның қаржысына қол сұғатындар көбейген. Аталмыш жоба алаяқтықтың алдын алмақ. Сондай-ақ интернетке кіру жүйесіне де өзгеріс енгізіледі. Егер азамат ғаламторды пайдаланғысы келсе, жеке басын куәландыратын құжатын тіркейді.

Министрлік ұсынған бастамаға халық әртүрлі реакция білдірді. Бірі мұны алаяқтықтан қорғау жолы, қауіпсіздік десе, басқалары бұл жеке дерегіміздің тарауына әсер етеді дейді.