Алматы ауруханаларынан ақша жымқырған есепшілер сотталды
Алматы қалалалық Қоғамдық денсаулық сақтау басқармасына қарасты емхананың есепшілері мемлекеттен 341 млн теңге ұралған. Қос бухгалтер енді алдағы 7 жылын түрмеде өткізеді.
– Алматы қаласы Медеу ауданының сотымен қалалық емхананың бухгалтерлері К. Хангиреева мен А. Туғанбаева сотталды. Олар ауруханада іс жүзінде еңбек қызметін жүзеге асырмаған адамдарға жалақыны және басқа да төлемдерді заңсыз аудару арқылы 341 млн теңгеден астам сомада бюджет қаражатын жымқырған, – делінген хабарламада.
Сот үкімімен бас бухгалтер Хангирееваға 7 жыл 6 ай бас бостандығынан айыру жазасы тағайындалған. Ал оның қарамағындағы қызметкер Туғанбаева 7 жылға бас бостандығынан айырылды.
Үкім заңды күшіне енген жоқ.
