Қазақстан Кубогы: Алматы ерлері мен Қарағанды әйелдері жеңімпаз атанды
Үстел теннисінен Қазақстан Кубогы Өскеменде аяқталды: ерлерде Алматы, әйелдерде Қарағанды облысы жеңімпаз атанды. Финалдық кездесулер 3:1 есебімен аяқталды.
Сурет: inbusiness.kz
Үстел теннисінен Қазақстан Кубогы Өскеменде мәреге жетті. Ерлер арасындағы командалық турнирде Алматы құрамасы тағы да жеңіске жетті, ал әйелдер арасында Қарағанды облысының командасы үздік шықты.
Бұл туралы Qazaqtoday.info сайты хабарлайды.
Ерлер финалында Алматы командасы Астана құрамасымен кездесіп, 3:1 есебімен басым түсті. Бірінші жұптық кездесуде жеңіліске ұшырағанына қарамастан, алматылық спортшылар келесі үш матчты ұтып алды.
Жеңімпаз команда сапында Айдос Кенжигулов, Санжар Жұбанов, Абдулла Мамай, Дастан Кенжигулов және Нұрдәулет Нұғай өнер көрсетті. Күміс медаль Астана құрамасына, қола медаль Шығыс Қазақстан облысының командасына бұйырды.
Әйелдер финалында да Қарағанды облысы Алматыны 3:1 есебімен жеңді. Жұптық кездесудегі жеңіс пен бір жеңілістен кейін қарағандылық спортшылар келесі екі матчты ұтып, Кубокты иеленді.
Чемпион команда құрамында Зауреш Ақашева, Жанерке Қошқымбаева, Альбина Жақсылықова, Дарья Фу және Мария Лукьянова болды. Екінші орынды Алматы құрамасы, үшінші орынды Шығыс Қазақстан облысы иеленді.
Қазақстан үстел теннисі федерациясын Жеңіс Қасымбек басқарады.
