Софья Самоделкина Гран-при кезеңінде қысқа бағдарламада бесінші орында
Софья Самоделкина Канададағы Гран-при кезеңінде қысқа бағдарламада 71,84 ұпай жинап, бесінші орында тұр. Жарысты жапониялық Мао Симада бастап тұр.
Фото: ҰОК
Канаданың Келоуна қаласында мәнерлеп сырғанаудан Гран-при сериясының екінші кезеңі өтіп жатыр. Қазақстан құрамасының өкілі Софья Самоделкина қысқа бағдарламасын орындап, төрешілерден 71,84 ұпай алды. Бұл нәтижемен ол әзірге бесінші орында тұр.
Бұл туралы Qazaqtoday.info сайты хабарлайды.
Жарыста жапониялық Мао Симада 82,11 ұпаймен көш бастап тұр. Екінші орында америкалық Изабо Левито (78,50), үшінші орында эстониялық Нина Петрыкина (77,24).
Қатысушылар еркін бағдарламаны Астана уақытымен 2 қарашаға қараған түні орындайды.
