Қазақстандық жағажай волейболшылары Дакардағы жасөспірімдер Олимпиадасында екінші жеңіске жетті
Қазақстандық жағажай волейболшылары Әлихан Ағабек пен Оразалы Сағыныш Дакардағы жасөспірімдер Олимпиадасында Гана құрамасын 2:0 есебімен жеңіп, екінші жеңіске жетті.
Фото: ҰОК
Дакарда (Сенегал) өтіп жатқан 2026 жылғы жасөспірімдер Олимпиадасында Қазақстанның жағажай волейболынан жасөспірімдер құрамасы сәтті өнер көрсетуде.
Бұл туралы Qazaqtoday.info сайты хабарлайды.
Кезекті ойында Әлихан Ағабек пен Оразалы Сағыныштан құралған қазақстандық жұп Гана өкілдері Джастис Амоафо мен Даниэль Лартимен кездесті. Отандастарымыз қарсыластарынан екі сетте басым түсті: алғашқы сет 21:19 есебімен аяқталса, екінші кезеңде 21:13 есебімен жеңіске жетті.
Осылайша, Әлихан Ағабек пен Оразалы Сағыныш жасөспірімдер Олимпиадасындағы екінші жеңісіне қол жеткізді. Бұған дейін олар топтық кезеңде Сауд Арабиясының құрамасынан басым түскен болатын.
Айта кетейік, жағажай волейболынан жарыстар Дакарда өтіп жатқан жасөспірімдер Олимпиадасы аясында ұйымдастырылуда.
