Асыл Айтақын әлем чемпионатын бесінші орынмен аяқтады
Қазақстандық еркін күрес шебері Асыл Айтақын Астанадағы әлем чемпионатында 61 келіге дейінгі салмақта қола медаль үшін белдесіп, АҚШ балуаны Маркус Гленн Блейзге жол беріп, бесінші орынмен аяқтады.
Фото: ҰОК
Астанада өтіп жатқан әлем чемпионатында қазақстандық еркін күрес шебері Асыл Айтақын өз жарысын аяқтады. 61 келіге дейінгі салмақ дәрежесінде белдескен отандасымыз қола медаль үшін АҚШ балуаны Маркус Гленн Блейзбен кездесті.
Бұл туралы Qazaqtoday.info сайты хабарлайды.
Тартысты өткен белдесуде америкалық балуан басым түсіп, жеңіске жетті. Осылайша, Асыл Айтақын әлем чемпионатын бесінші орынмен қорытындылады.
