Алматыда Армения-Әзербайжан келіссөздері басталды
Фото: CІМ
Әзербайжан мен Арменияның сыртқы істер министрлері екіжақты келіссөздер жүргізу үшін Алматы қаласындағы Достық үйіне келді, деп хабарлайды Skifnews.kz ақпарат порталы.
Қонақтарды Қазақстан СІМ басшысы Мұрат Нұртілеу қарсы алып, министрлер кездесу рәсіміне қатысу үшін Дөңгелек залға өтті.
Осы залда 1991 жылы Алматы декларациясына қол қойылған болатын, ол ТМД елдерінің тәуелсіз дамуының негіздерін белгілеп, мемлекетаралық шекараларды айқындау қағидаттарын бекітті.
М.Нұртілеу Әзербайжан мен Армения біз үшін жақын бауырлас елдер ғана емес, сонымен қатар стратегиялық серіктес екенін мәлімдеп, тараптарға жемісті жұмыс пен сенімді диалог тіледі.
Әзербайжан мен Арменияның сыртқы саяси ведомстволарының басшылары өз сөздерінде Қазақстан тарапына келіссөздер алаңын ұсынғаны және іс-шараның жоғары деңгейде ұйымдастырылғаны үшін алғыстарын білдірді.
