Жамбыл облысында жасөспірімдер жанжалы өліммен аяқталды
Жамбыл облысы Байзақ ауылында кәмелетке толмағандар арасындағы жанжал салдарынан 2011 жылы туған жасөспірім қаза тапты. Екінші бала ұсталып, тергеу басталды.
Сурет: istockphoto
Жамбыл облысы Байзақ ауылында кәмелетке толмағандар арасындағы жанжал қайғылы жағдаймен аяқталды. Бұл туралы өңірлік білім басқармасының баспасөз қызметі мәлімдеді.
Бұл туралы Qazaqtoday.info сайты хабарлайды.
Ведомствоның хабарлауынша, оқиға 3 қазанда сағат 22:00 шамасында орын алған. Жанжал барысында 2011 жылы туған жасөспірім алған жарақатынан көз жұмды.
Оқиғадан кейін екінші кәмелетке толмаған бала ұсталып, полиция бөліміне жеткізілді.
«Қазіргі уақытта аталған дерек бойынша ҚР Қылмыстық кодексінің 106-бабы 3-бөлігі («Абайсызда жәбірленушінің өліміне әкеп соққан денсаулыққа қасақана ауыр зиян келтіру») бойынша сотқа дейінгі тергеу амалдары жүргізілуде. Оқиғаның барлық мән-жайы анықталып, қажетті тергеу әрекеттері атқарылуда», — деп түйіндеді басқарма.
