«Қазгидромет» 15 қыркүйекте бірқатар қалада қолайсыз метеожағдай болжайды
«Қазгидромет» 15 қыркүйекке арналған ауа сапасы болжамын жариялады: Алматы, Ақтөбе, Жезқазған, Балқаш, Атырау, Өскемен, Семейде қолайсыз метеожағдай күтіледі.
Сурет: istockphoto
«Қазгидромет» РМК еліміздегі ауа сапасына қатысты болжамын жариялады. 15 қыркүйекте Алматы, Ақтөбе, сондай-ақ түнде Жезқазған, Балқаш, Атырау, Өскемен және Семей қалаларында қолайсыз метеорологиялық жағдайлар күтіледі, – делінген хабарламада.
Бұл туралы Qazaqtoday.info сайты хабарлайды.
Қолайсыз метеорологиялық жағдайлар деп атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың – тымық ауа райының, жеңіл желдің, тұманның және инверсияның – жиынтығы аталады.
Мұндай жағдайлар кезінде елдімекендердегі атмосфералық ауаның сапасы нашарлауы ықтимал.
