Дастан Сәтпаев «Бернлиге» жалға берілуі мүмкін
Қазақстандық футболшы Дастан Сәтпаев Англияның «Бернли» клубына жалға берілуі мүмкін. Ол медициналық тексеруден өту үшін «Терф Мур» стадионына келді.
Сурет: egemen.kz
Қазақстандық футболшы Дастан Сәтпаев Англияның «Бернли» клубына жалға берілуі мүмкін. Бұл туралы BBC Sport хабарлады. 18 жасқа толған футболшы жаңа командасының «Терф Мур» стадионына барып, медициналық тексеруден өтуі тиіс, деп хабарлайды Qazaqtoday.info сайты.
BBC Sport деректеріне сәйкес, Сәтпаев қазірдің өзінде «Терф Мур» стадионына келген. Ол медициналық тексеруден өтуі керек. Ойыншының ауысуы жексенбі күні «Вест Хэмге» қарсы матчқа дейін рәсімделеді деп күтілуде.
«Сәрсенбіде Сәтпаев 18 жасқа толды. Сол күні ол «Челсимен» алты жылдық келісімшартқа қол қойды. Келісімшартты тағы бір маусымға ұзарту мүмкіндігі қарастырылған», деп жазады BBC.
Айта кетейік, «Бернли» Англияның кәсіби футбол клубы. Қазіргі уақытта клуб Англия футбол лигалары жүйесіндегі екінші деңгейлі дивизион Чемпионшипте өнер көрсетеді.
