Президент асыл тұқымды Ақалтеке құлындарына Ақниет және Бөрте есімдерін берді
Президент Қасым-Жомарт Тоқаев асыл тұқымды Ақалтеке құлындарына Ақниет және Бөрте есімдерін беріп, жүйрік болуын тіледі.
Сурет: kaz.inform.kz
Мемлекет басшысы асыл тұқымды Ақалтеке жылқыларын көріп, жаңа туған құлындарға Ақниет және Бөрте деген есім берді, деп хабарлайды Qazaqtoday.info сайты.
Қасым-Жомарт Тоқаев жуырда құлындаған екі биенің төлін тамашалап, жас арғымақтарға осы есімдерді қойды. Президент «Ер жетіліп, бас болар, тай жетіліп, ат болар» деген қазақы тәмсілді келтіріп, құлындарға желмен жарысқан жүйрік болуын тіледі.
Бұған дейін Президент тазы мен төбетті ұлттық бренд ретінде кеңінен насихаттау жөнінде тапсырма берген болатын.
