Үндістандағы діни мерекеде 17 адам қаза тапты
Үндістанның Калькутта қаласында діни мереке кезінде қысылыс болып, 17 адам қаза тапты, 25 адам жарақат алды. Қаза тапқандар арасында 13 әйел мен бір бала бар.
Фото: Анадолы
Үндістанның Батыс Бенгалия штатындағы Калькутта қаласында діни мереке кезінде адамдардың қысылып, бір-бірін басып кетуі салдарынан 17 адам қаза тапты.
Бұл туралы Qazaqtoday.info сайты хабарлайды.
Hindustan Times газетінің мәліметінше, оқиға жергілікті уақыт бойынша сағат 19:40-та Калькуттада өтіп жатқан діни мереке кезінде болған.
Оқиға салдарынан 17 адам көз жұмып, тағы 25 адам жарақат алды. Зардап шеккендер медициналық көмек көрсету үшін ауруханаға жеткізілді.
NDTV телеарнасының хабарлауынша, қаза тапқандардың арасында 13 әйел мен бір бала бар.
Мереке кезінде нөсер жаңбыр жауған. Жаңбырдан қорғану үшін көпшілік жабық ғимаратқа жаппай ұмтылып, бір-бірін итеріп, қысыла бастаған.
