Шымкентте жасөспірім кішкентай қызды зорламақ болған
Шымкент қаласында жасөспірімнің кішкентай қызға қатысты жантүршігерлік әрекетке барған. Полиция мәліметінше, күдікті жасөспірім қыз балаға жақындап, оны күштеп әкетпек болған. Бұл туралы QazaqToday.info ақпараттық порталы хабарлайды.
Оқиға бейнебақылау камераларына түсіп қалған. Кадрларда жасөспірімнің кішкентай қызды ұстап алып, оқиға орнынан қашуға әрекет жасағаны анық көрінеді.
Алайда ол алысқа ұзай алмаған. Құқық қорғау органдары күдіктіні жедел түрде қолға түсірді. Қазір ол уақытша ұстау изоляторына қамалған.
Күдіктінің ата-анасы да полиция бөліміне жеткізілген. Оқиғаға байланысты қылмыстық іс қозғалды.
Зардап шеккен қызбен психологтар жұмыс істеді. Ведомство өкілдерінің хабарлауынша, қазіргі уақытта оның өмірі мен денсаулығына қауіп жоқ.
Фото/Видео: Instagram — @my.life_astana
