Қостанайда жылы аялдамалар жұмыс істемей тұр: тұрғындар шағымданды
Фото: Видеодан алынған кадр
Қостанай қаласының тұрғыны редакцияға хабарласып, қоғамдық көлікті күтуге арналған жылы аялдамалардың дұрыс жұмыс істемейтініне наразылығын білдірді. Оның айтуынша, қыс мезгілінде жолаушыларды суықтан қорғауы тиіс павильондар іс жүзінде жылытылмайды, деп хабарлайды Qazaq Today ақпарат порталы.
Тұрғынның сөзінше, аялдамаларда бейнебақылау камералары қалыпты жұмыс істеп тұр. Алайда жолаушылар үшін ең қажетті жылу беру жүйесі қосылмаған.
Бұл жағдай қала әкімдігінің назарын қажет етеді. Тұрғындардың айтуынша, жылы аялдамаларға жауапты мекемелер бақылау жүйесін іске қосып, ал жолаушылардың жайлылығы мен қауіпсіздігін қамтамасыз ету мәселесін екінші орынға ысырып қойғандай әсер қалдырады.
