Астанада 40 тонналық контейнер өртенді
Фото: Вилеодан скрин
Бүгін таңертең елорданың Сарайшық ауданында өрт оқиғасы тіркелді, деп хабарлайды Qazaqtoday.info.
Панфилов көшесі мен Тәуелсіздік даңғылының қиылысында мобильді кеңсе ретінде пайдаланылатын 40 тонналық контейнер өртенді.
Құтқарушылар өртті жедел сөндіріп, тілсіз жаудың одан әрі таралуына жол бермеді. Жалын 15 шаршы метр аумақты шарпыған.
Оқиға салдарынан зардап шеккендер жоқ. Қазіргі уақытта өрттің шығу себебі анықталып жатыр.
