Тоқаев Қорғаныс министрінің орынбасарын қызметінен босатты
Мемлекет басшысының өкімімен Бақытбек Сапарбекұлы Сыдықов Қазақстан Республикасы Қорғаныс министрінің орынбасары лауазымынан босатылды, деп хабарлайды Qazaq Today ақпарат порталы.
Бұл туралы Ақорданың баспасөз қызметі мәлім етті.
Сонымен қатар, Президент өкімімен ҚР Қарулы Күштерінде бірқатар ауыс-түйіс болды.
«Мемлекет басшысының өкімімен Асқар Ғадылшаұлы Ізбасов Қазақстан Республикасы Қарулы Күштері Әуе қорғанысы күштері Әскери-әуе күштерінің қолбасшысы лауазымына тағайындалды», — делінген хабарламада.
