Александр Бублик әлемнің бірінші ракеткасын жеңді
Фото: olympic.kz
Әлемнің 45-ші ракеткасы, Қазақстанның өкілі Александр Бублик Галледе (Германия) өтіп жатқан ATP-500 санатындағы турнирдің ширек финалына шықты, деп хабарлайды Qazaq Today ақпарат порталы.
Екінші айналымдағы кездесуде Бублик «Үлкен дулыға» турнирлерінің үш дүркін чемпионы, әлемнің бірінші ракеткасы, италиялық теннисші Янник Синнерді (1) 3:6, 6:3, 6:4 есебімен ұтты. Осылайша Синнер өткен жылғы Галле чемпионы атағын қорғай алмады.
Бублик Галледегі турнирдің жартылай финалына жолдама алу үшін әлемнің 23-ші ракеткасы чехиялық Томаш Махачпен кездеседі.
