Төрехан Сабырхан Тоқаевтан награда алған соң әсерімен бөлісті

Сурет: sports.kz

2025 жылғы әлем чемпионы әрі 2026 жылғы Азия ойындарының жеңімпазы Төрехан Сабырхан Қазақстан Президенті Қасым-Жомарт Тоқаевтың Ақордада өткізген марапаттау рәсімінен кейін эмоциясымен бөлісті.

Бұл туралы Qazaqtoday.info сайты хабарлайды.

«Президентпен екінші рет кездесіп отырмын, ерекше қуаныш сезімінде келемін! Ел 12 жыл күткен алтынды қазақстандық халыққа сыйлау, бүгін Ақордада Мемлекет басшысының қолынан жоғары награда алу — мен үшін үлкен құрмет және өмірімдегі ең ұмытылмас сәттердің бірі. Бұл жеңіс тек менің ғана емес, бүкіл қазақстандық халықтың, мені қолдаған жанкүйерлердің, жаттықтырушыларымның және отбасымның жеңісі. Елдің сенімін ақтау — ең үлкен құрмет! Елге алтын сыйлау — ең үлкен мақтаныш! Ақорда қабырғасындағы бұл сәт жүрегімде мәңгі қалады. Алда одан да биік шыңдар мен одан да маңызды жеңістер бар! Алға, Қазақстан!» — деп жазды боксшы инстаграмда.

Бүгін Ақордада Қазақстан Президенті XX жазғы Азия ойындары мен V Азия параойындарының жеңімпаздары мен жүлдегерлерін салтанатты түрде марапаттады. Мемлекет басшысы 19 ерекшеленген спортшыға мемлекеттік наградаларды табыс етті. Олардың қатарында каратэші Софья Берульцева («Парасат» орденімен марапатталды), ел тарихында тұңғыш рет Азия ойындарының алты дүркін чемпионы атанған велошабандоз Алексей Луценко («Құрмет» ордені), сондай-ақ таэквондодан тарихи чемпион Тамирлан Тлеулес және параойындар рекордшылары Айсұлу Сүлейменова мен Давид Дегтярев (медальдармен марапатталды).