Қазақстанда алғаш рет хоккейден Азия чемпионаты өтеді
2024 жылғы 6-9 қараша аралығында Алматыдағы Halyk Arenaда тұңғыш рет Халықаралық хоккей федерациясының қолдауымен Азия чемпионаты өтеді, деп хабарлайды Qazaq Today ақпарат агенттігі.
Бұл континенттегі хоккейден алғашқы чемпионат ретінде тарихи оқиға болмақ. Сонымен қатар Қазақстанның ерлер құрамасы Алматыда алғаш рет өнер көрсетеді.
Қазақстан құрамасының басты қарсыластары – Жапония, Корея және Қытай командалары.
Айта кетейік, хоккейден әйелдер арасындағы Азия чемпионаты 2024 жылдың 31 қазаны мен 3 қарашасы аралығында Қытайдың Бейжің қаласында өтеді.
