Оқиғадан кейін екі адам ауруханаға жатқызылды, деп жазады Qazaq Today ақпарат порталы.
Белгілі болғандай, әйел мен ер адам Алакөл ауданының орталық аудандық ауруханасына жеткізілген.
«Жәбірленушілердің жағдайы ауыр, олар анестезиология, реанимация және қарқынды терапия бөліміне жатқызылды», — деп хабарлады дәрігерлер.
Сондай-ақ, шокқа қарсы терапия және толық клиникалық-диагностикалық аспаптық зерттеулер жүргізіліп жатқаны айтылды.
Көмекке Талдықорғаннан екі маман (нейрохирург, травматолог) жіберілді.
«Ауруханада науқастарды емдеуге қажетті барлық дәрі-дәрмек бар. Жағдай бақылауда.», делінген Жетісу облысы денсаулық сақтау басқармасының баспасөз қызметінен.
Оқиғаның кадрларын бұған дейін Төтенше жағдайлар министрлігінің (ТЖМ) баспасөз қызметі таратқан болатын. Құтқарушылардың айтуынша, демалыс орындарының бірінде екі адам ұшақпен бірге дельтапландармен сырғанау кезінде суға құлаған.
