Ресейдің Түмен және Қорған облыстарында төтенше жағдай жарияланды
Фото: gtrka.kurgan.ru
Түмен, Қорған облыстарында көктемгі су тасқынына байланысты төтенше жағдай режимі енгізілді. Орынбор облысында да жағдай әлі күрделі. Жалпы, Ресейде 40-қа жуық өңір су тасқынынан зардап шекті, деп хабарлайды Qazaq Today ақпарат агенттігі.
«Росгидрометтің» мәліметінше, Тобыл өзенінің деңгейі 11 метрге дейін көтеріліп, 62 елді мекен мен Қорған қаласына тасқын қаупі төніп тұр. Түмендегі жағдай әзірге бақылауда болғанымен, қауіп күшейеді деген болжам айтылып отыр.
Соңғы күндері Ресейдің 39 аймағында 10400-ден астам үйді су басты. Ең қиын жағдай Орынбор облысында.
Естеріңізге сала кетсек, Орск қаласында жұма күні дамба құлап, 4 мыңға жуық үй судың ортасында қалды.
