Атырау облысында жолаушылар автобусы өртеніп кетті
Фото: Видеодан кадр
Атырау облысында жолаушы тасымалдайтын қоғамдық көлік түгі қалмай өртенді, деп хабарлайды Qazaq Today ақпарат агенттігі.
Атырау облыстық Төтенше жағдайлар департаментінің қоғаммен байланыс тобынан мәлім еткендей, оқиға кеше, 11 аурызда болған.
«Мақат ауданының орталығы – Мақат кентінде кешкі сағат 20:00-де автобус өртенді. Жалын сағат 20:39-да оқшауланып, сағат 20:52-де толық сөндірілді», — деп хабарлады департаменттің қоғаммен байланыс тобы.
Қоғамдық көліктің Атырау қаласы мен Мақат кенті аралығында жолаушы тасымалдайтыны анықталып отыр. Өрттен зардап шеккендер жоқ.
Жалынды сөндіруге 7 адам мен 2 техника тартылған.
