Софья Берульцева Азия ойындарында алтын медаль жеңіп алды
Каратэші Софья Берульцева Жапониядағы Азия ойындарында 68 келіден жоғары салмақта алтын медаль жеңіп алды. Бұл оның Азия ойындарындағы екінші алтыны.
Сурет: ҰОК
Жапонияның Аичи мен Нагоя қалаларында өтіп жатқан Азия ойындарында каратэден Қазақстан құрамасының көшбасшысы Софья Берульцева жеңіс тұғырының ең биік сатысына көтерілді.
Бұл туралы Qazaqtoday.info сайты хабарлайды.
Ол 68 келіден жоғары салмақ дәрежесінде финалға шығып, шешуші белдесуде таиландтық Манееван Буцуванды ұтты.
Аталған салмақтағы қазақстандық спортшы финалға дейінгі жолда Сауд Арабиясының өкілі Дина Мостафаны жеңсе, жартылай финалда Непал спортшысы Арика Гурунгтен басым түсті.
Бұл — Софья Берульцеваның Азия ойындарындағы екінші алтын медалі. Бұған дейін ол Ханчжоу-2022 ойындарында да төрткүл дүниенің төрінен орын алған болатын.
Еске салайық, бұған дейін Жоламан Биғабыл (55 келіге дейінгі салмақта) алтын медаль жеңіп алған еді.
