Азия ойындары: Қазақстан гандболшылары Қытайға 24:34 есебімен жол берді
Аичи-Нагоядағы ХХ Азия ойындарында қазақстандық гандболшылар алғашқы матчында Қытайға 24:34 есебімен жол берді. Келесі ойын 20 қыркүйекте Оңтүстік Кореяға қарсы.
Сурет: ҰОК
Жапонияның Аичи-Нагоя қаласында өтіп жатқан ХХ Азия ойындарында әйелдер арасында гандбол сайыстары басталды. Бұл туралы Ұлттық олимпиадалық комитет хабарлады.
Бұл туралы Qazaqtoday.info сайты хабарлайды.
Қазақстан құрамасы алғашқы матчында Қытай командасымен кездесті. Екі кезең қорытындысы бойынша қытайлық гандболшылар 24:34 есебімен жеңіске жетті.
Айта кетейік, бұл спорт түріндегі жарыстар айналмалы жүйе бойынша өтіп жатыр. Ұлттық құрама келесі ойынын 20 қыркүйекте Оңтүстік Кореяға қарсы өткізеді.
Сонымен қатар бүгін, 19 қыркүйекте, 2026 жылғы Азия ойындарының ресми ашылу салтанаты өтеді.
