Түркістан облысында ер адам әйелін балаларының көзінше ұрып-соққан
Түркістан облысының Ордабасы ауданындағы Шұбарсу ауылында ер адам әйелін балаларының көзінше ұрып-соққан. Туысы әлеуметтік желіде мәлімдеді.
Фото: gov.kz
Түркістан облысының Ордабасы ауданындағы Шұбарсу ауылында әйел адам күйеуінен зорлық-зомбылық көрген. Бұл туралы жәбірленушінің туысы әлеуметтік желіде мәлімдеді.
Бұл туралы Qazaqtoday.info сайты хабарлайды.
Оқиға кезінде ер адам әйелін балаларының көзінше ұрып-соққан.
Туысының айтуынша, ер адам әйелінің атына 2 миллион теңге көлемінде несие рәсімдеген. Бұдан бөлек, әйеліне күш көрсетіп, оны өлтіремін деп қорқытып келген. Жәбірленушінің жақындары оның мұндай әрекетке бірнеше рет тап болғанын айтып отыр.
Оқиғаның нақты мән-жайы әзірге белгісіз.
