Алматының құрметті азаматы Асылы Осман «Барыс» орденімен марапатталды
Алматының құрметті азаматы Асылы Осман II дәрежелі «Барыс» орденімен марапатталды. Марапатты Президент атынан Алматы әкімі Дархан Сатыбалды табыстады.
Сурет: kznews.kz
Мемлекет басшысы Қасым-Жомарт Тоқаевтың Жарлығымен Алматының құрметті азаматы, белгілі ғалым әрі қоғам қайраткері Асылы Әлиқызы Осман II дәрежелі «Барыс» орденімен марапатталды, деп хабарлайды Qazaqtoday.info сайты.
Аталған жоғары мемлекеттік награданы Президент атынан Алматы қаласының әкімі Дархан Сатыбалды табыс етті. Асылы Осман көп жылдар бойы қазақ тілінің дамуына, ұлттық құндылықтарды насихаттауға және қоғамдық келісімді нығайтуға елеулі үлес қосып келеді.
Ол Мемлекеттік тіл қауымдастығын басқарады, сонымен қатар 200-ден астам ғылыми және аударма мақаланың авторы. Мемлекет басшысы Асылы Османның мемлекеттік тілді дәріптеу, елдегі тұрақтылық пен бірлікті сақтау жолындағы еңбегін жоғары бағалады.
Ал Алматы әкімі Дархан Сатыбалды оның қаланың қоғамдық және мәдени өміріндегі алатын орнына ерекше тоқталды.
