«Баланы телефонға айырбастаған ана»: Алматыдағы балалар алаңында үлкен жанжал шықты

Фото: видеодан скрин

Алматыдағы балалар ойын алаңында орын алған келеңсіз жағдай Желіде үлкен дау тудырды. Видео авторының айтуынша, ол бөгде әйелдің кішкентай қызымен жарты сағат бойы ойнап, тербеткенін, ал сол уақытта анасы телефонға телміріп, баласына мүлде назар аудармағанын жеткізді.

Тіпті кішкентай қыздың аяқ киімі де теріс киілгенін байқап, анасына ескерту жасаған. Алайда үш баланың анасы бұл сөзге шамырқанып, «өз өміріңізбен айналысыңыз» деп қарсы жауап қайтарған. Кейіннен, ескертуді қабыл алмаған ана видео авторының үстінен полицияға арыз түсіргені белгілі болды. Қазір бұл жағдайға қатысты қоғамдық пікір екіге жарылып, ананың балаға деген немқұрайлылығы мен бөгде адамның шектен тыс араласуы қызу талқылануда.

Видео: «@almaty.official»