Алматыдағы Алғабас ықшамауданында тағы да су мәселесі тұрғындарды әбігерге салды, деп хабарлайды QazaqToday.info ақпараттық порталы.
Әлеуметтік желіде тараған видеода көшені лай су басып жатқаны көрінеді. Оқиға Фариза Оңғарсынова көшесі мен Рысқұлов даңғылының қиылысында болғаны айтылды.
Тұрғындар «бұған біреудің салғырттығы себеп» деп ашулы. Кейбірі жаңбыр жауса болды, көшенің батпаққа айналатынын жазған.
Желі қолданушылары әкімдік пен жауапты мекемелерді белгілеп, мәселені шешуді талап етті. Видеода жол жиегін су басып, көліктердің әрең өтіп жатқаны байқалады.
Әзірге ресми органдардан нақты түсініктеме жарияланған жоқ. Ал желідегі жұрт «миллиард бөлінсе де, мәселе неге бітпейді?» деп наразы.
Фото: видеодан кадр
