Алматыда жеңіл көлік пен жолаушылар автобусы соқтығысып қалды (ВИДЕО)
Фото: Видеодан алынған кадр
Алматыда жолаушылар автобусы мен Mercedes жеңіл автокөлік соқтығысып қалды. Бұл туралы QazaqToday.info ақпараттық порталы хабарлайды.
Алматы қалалық полиция департаментінің баспасөз қызметінің мәліметінше, апат кеше 19:20 шамасында Бостандық ауданында болған.
Mercedes автокөлігінің жүргізушісі көліктің руліне ие бола алмай, Yutong автобусына соқтығысқан. Жол-көлік оқиғасы салдарынан жеңіл көліктің жүргізушісі мен екі жолаушысы жарақат алған. Зардап шеккендерге медициналық көмек көрсетілді.
«Апаттың себеп-салдарын Бостандық аудандық полиция басқармасы қызметкерлері тексеріп жатыр», – деп хабарлады полициядан.
