Тоқаевтың өкімімен Бас прокурорға жаңа орынбасар келді
Президент Қасым-Жомарт Тоқаевтың өкімімен Бас прокурордың орынбасары лауазымына Ерлан Өтегенов тағайындалды. Ол бұған дейін басқа қызметте болған.
file_383.jpg
Мемлекет басшысы Қасым-Жомарт Тоқаевтың өкімімен Ерлан Рақымжанұлы Өтегенов Бас прокурордың орынбасары болып тағайындалды, деп хабарлайды Qazaqtoday ақпарат агенттігі.
Бұл туралы Ақорданың ресми баспасөз қызметі хабарлады. Жаңа қызметке келген Ерлан Өтегенов бұған дейін Құқық қорғау органдары академиясының бастығы лауазымын атқарған.
Ол прокуратура органдарында 1999 жылдан бері қызмет етеді. Әр жылдары Алматы қаласы прокурорының орынбасары, Қостанай облысы прокурорының бірінші орынбасары, Бас прокуратураның департамент бастығы сияқты жауапты қызметтерде болған.
Фото: Әлеуметтік желіден
