Петропавлда із-түссіз жоғалған 18 жастағы жігіттің мәйіті орманнан табылды
Петропавл қаласында хабар-ошарсыз кеткен 18 жастағы Ролан Зуевтің мәйіті қала маңындағы орман аумағынан табылды. Бұл туралы QazaqToday.info ақпараттық порталы хабарлайды.
Алдын ала деректерге сәйкес, марқұмның денесінен зорлық-зомбылық белгілері анықталмаған. Қазіргі уақытта оның өліміне не себеп болғаны сарапталып, тиісті тексеру шаралары жүргізіліп жатыр.
Солтүстік Қазақстан облыстық полиция департаменті аталған дерек бойынша қылмыстық іс қозғалғанын мәлімдеді. Тергеу барысында оқиғаның барлық мән-жайы жан-жақты зерттелмек.
Еске сала кетейік, Ролан Зуев қаңтар айының ортасында үйінен шығып кеткеннен кейін байланысқа шықпаған. Жігіттің жоғалғаны туралы полицияға оның әпкесі арыз түсірген. Содан бері жас жігітті іздестіру жұмыстары жүргізілген.
