Еуропа елімізден балын алады: қазақтың етін неге әлі тексеріп жатыр?
Фото: Pixabay
Қазақстан Еуропа нарығына бал экспорттау мәселесін шешті. Бұл туралы Үкіметтегі брифингте ауыл шаруашылығы министрі Айдарбек Сапаров мәлімдеді. Оның айтуынша, енді қой мен жылқы етін Еуропаға шығару жұмыстары жүріп жатыр. Бұл туралы QazaqToday.info ақпараттық порталы хабарлайды.
Алайда ет экспорты бал сияқты оңай шешілмейді. Еуропа елдері қатаң ветеринарлық және санитарлық талап қояды. Сондықтан еуропалық инспекторлар Қазақстанға арнайы келіп, ет комбинаттарын аралап, өндіріс стандарттарын тексереді.
Министрдің сөзінше, тиісті сауалнамалар толтырылады, ескертулер болса, қайта қаралады. Бұл процесс шамамен жарты жылдың ішінде реттелуі мүмкін.
