Стендап-комикке қоғамдық тәртіпті бұзғаны үшін 86,5 мың теңге айыппұл салынды
Астана соты стендап-комикті сахнада былапыт сөйлегені үшін ұсақ бұзақылық жасады деп танып, 20 айлық есептік көрсеткіш мөлшерінде айыппұл салды.
Сурет: kz.kursiv.media
Астана қаласының әкімшілік құқық бұзушылықтар жөніндегі мамандандырылған ауданаралық сотының баспасөз қызметі хабарлағандай, стендап-комик сахнадағы сөзінде былапыт сөйлегені үшін жауапкершілікке тартылды.
Бұл туралы Qazaqtoday.info сайты хабарлайды.
Сот отырысы жетінші қарашада өтті. Комик ұсақ бұзақылық жасағаны үшін жауапқа тартылды.
«Қ. есімді азамат кінәсін толық мойындап, жасаған әрекетіне өкінді, айыппұл салуды сұрап, бұдан былай осындай құқық бұзушылыққа жол бермейтініне уәде берді», — делінген сот хабарламасында.
Комикке 20 айлық есептік көрсеткіш мөлшерінде (86,5 мың теңге) айыппұл салынды. Қаулы әлі күшіне енген жоқ, оған шағым жасалуы мүмкін.
Алайда нақты кім туралы айтылып отырғаны белгісіз: өз сөздерінде былапыт сөйлейтін стендап-әртістер аз емес, ал «Қ» әрпінен басталатын тегі, мысалы, Ғалым Қалиақбаровта, Жамбыл Күлдеевте және Слава Клочковта бар.
Бұған дейін Kursiv Lifestyle басылымы Ғалым Қалиақбаровтың концерт өткізу туралы әкімдікке хабарлама бермегені себепті қойылымының кенеттен тоқтатылғанын жазған болатын.
