Арасында 5 бала бар: Оралда көпқабатты үйден өрт шықты
Фото: ТЖМ
Бүгін таңертең Зачаганск елді мекеніндегі Теміртау көшесінде орналасқан бес қабатты тұрғын үйдің кіреберісінде өрт шықты. Бұл туралы Qazaqtoday.info ақпарат порталы хабарлады.
Ақпаратқа сәйкес, суық су құбырына арналған ағаш қорап отқа оранған. Оқиға орнына жедел жеткен құтқарушылар баспалдақтың көмегімен 14 адамды, оның ішінде 5 баланы қауіпсіз жерге эвакуациялаған. Өрт толықтай сөндіріліп, зардап шеккендер тіркелмеген. Қазіргі уақытта өрттің шығу себептері анықталып жатыр, деп мәлімдеді Төтенше жағдайлар министрлігі баспасөз қызметі.
