Ақтөбеде 11-сынып оқушысы суицид жасады
Ақтөбеде мектеп оқушысы суицид жасады, деп хабарлайды Qazaq.today Ulysmedia.kz-ке сілтеме беріп.
Ақтөбе облыстық полиция департаментінің хабарлауынша, 13-қыркүйекте бөлімге 2007 жылы туған кәмелетке толмаған баланың мәйіті туралы хабарлама келіп түскен.
Осы факті бойынша ҚР ҚК 105-бабы «Өзіне өзі қол жұмсауға дейін жеткізу» бойынша сотқа дейінгі тергеп-тексеру жүргізілуде. Жасөспірімнің өзіне-өзі қол жұмсауының себептері анықталып жатыр.
Бұған дейін облыстың прокурорлары адамдардың өз-өзіне қол жұмсау жағдайлары жиілегенін хабарлаған еді. Олардың дерегінше, аймақта күн сайын орта есеппен 2 суицид жасалады. Өткен жылы мұндай деректердің көбі Ақтөбе қаласында (143), Мұғалжар (5), Шалқар (4), Мәртөк, Әйтеке би (3-тен) аудандарында тіркелген.
Еске салайық, бұған дейін Алматы облысында 4-сынып оқушысы өзі қатарлас балалардың буллинг фактілерінен кейін өзіне қол жұмсамақ болды.
Qazaq.today
