Танысы пышақтап кеткен: Шымкентте 21 жастағы бойжеткеннің мәйіті көшеден табылды
Шымкентте 21 жастағы қыздың өліміне қатысты жаңа деректер шықты. Полиция марқұмды пышақтап кеткен оның танысы екенін анықтады.
Шымкентте 21 жастағы бойжеткенді танысы пышақтап өлтіріп кетті деген күдік бар, оның денесі көпқабатты үйдің маңынан табылды, деп хабарлайды Qazaqtoday ақпарат агенттігі.
Полиция департаментінің мәліметінше, марқұмның денесі 11 қаңтар күні кешке Төлеметов көшесіндегі тұрғын үй ауласынан табылған. Оның денесінде зорлық-зомбылық белгілері мен пышақ жарақаттары болған.
Аталған дерек бойынша Қылмыстық кодекстің 99-бабы («Адам өлтіру») бойынша сотқа дейінгі тергеу басталды.
Жедел іздестіру шараларының нәтижесінде күдіктінің жеке басы анықталды. Ол марқұмның бұрыннан танысы болып шыққан. Қазіргі уақытта оны ұстау шаралары жүргізіліп жатыр.
Фото: телеграм
