Танымал блогер Қайсар Қамзаға іздеу жарияланды: Ол қаржылық қылмысқа қатысты ма?

Instagram желісінде 2,4 миллион оқырманы бар танымал қазақстандық блогер Қайсар Қамзаға іздеу жарияланды, деп хабарлайды Qazaqtoday ақпарат агенттігі.

Бұл ақпаратты Қаржылық мониторинг агенттігі растады. Ведомство іздеудің себебі мен блогерге нақты қандай айып тағылып отырғанын әзірге нақтылаған жоқ.

Қайсар Қамза – әлеуметтік желіде кеңінен танымал тұлға. Ол өз парақшасында жиі қымбат сыйлықтар ойнатып, түрлі байқаулар ұйымдастырып тұратын.

Бұған дейін Туризм және спорт министрлігі Қайсар Қамзаны заңсыз онлайн-ұтыс ойындарын жарнамалағандардың тізіміне қосқан болатын. Сол кезде оған 1 179 600 теңге көлемінде әкімшілік айыппұл салынған еді.

Фото: Әлеуметтік желіден